Bryllaup og konsert

Gratulerer til det spreke brudeparet i Olsvik kyrkje! Kule sko, - eg håpar eg får sjå brudebilete :)
Luksus for meg med konsertflygel som Leif Ove Andsnes har spelt på, sjølvom det åpenbart er ein viss klasseforskjell på oss! 

 

No gler eg meg til konsert i kveld!  Magi av Sigvart Dagsland, Torjus Vierli og Garness-systrene.  Det blir flott!  Du har ingen planar, seier du?  Ta turen til Oseana, då vel!!!  Sjåast kl 20!

Namnefest i Oseana

Det har vore utruleg kjekt å få vera med på humanistisk namnefest år etter år, og eg er takksam for at dei har spurt meg så mange gonger!  Knut Vidar og konsertflygelet står for stødig tonefølgje til alle innslaga.  Låter fint!  Også denne gongen traff eg att familier frå tidlegare som no hadde namnefest for småsøsken. Veldig kjekt å få så positive tilbakemeldingar på det eg driv med. Eg er heldig!

Konsert på Tønnegarden

For ein plass!  I dag har vi spelt konsert i produksjonslokala på Tønnegarden på Samnøy, Fusa. Tusen takk til de som tok turen!  Håpar det smakte med konsert, kaffi og kaker!

Heldige meg som får spela med desse dyktige musikarane!  Takk igjen til Hallvard, Knut Vidar, Arne og Ken!  Vi har hatt ein flott dag med nydeleg middag, kjekk speling, god prat og herleg kaffimat. 

Kari og gjengen på Tønnegarden har verkeleg teke godt imot oss! Tønnetromma til Ken fungerte fint, og produksjonslokalet egna seg godt som konsertlokale :) 

Her kan du lesa kva nrk skreiv om Tønnegarden etter åpninga i 2012.  Mine varmaste anbefalinger :)  Takk for i dag!

Støttekonsert

Ein fin-fin siste søndag i 2013!  Tenk å få vera ein del av det flotte og varierte kulturlivet med så mange skjønne og flinke folk!  Vakker og stemningsfull musikk, gode og viktige ord frå Thor Brekkeflat, fantastisk avslutning frå Gina "Could you please help me turn the wine back into water"

 

Støttekonsert til inntekt for Vindfanget/rusforebyggande arbeid og Fonos sin ekstrakonsert som gav 70 000,- til Filippinene, står som viktige musikalske høgdepunkt i 2013.  Det kjennest utruleg godt å få gje eit tilskot til viktige saker berre gjennom å driva med det eg elskar: MUSIKK

FONOS

850 tilhøyrarar på Fonos-konsertane... Fantastisk kor folk stiller opp! Det kjennest utruleg godt å kunna senda over 70 000,- til hjelpearbeidet i Filippinene. Hjarteleg TAKK til alle som kom på ekstrakonserten onsdag!

Håpar og trur her var noko for einkvar smak og at mange fann fram til julestemning desse dagane. Sjølv er eg takksam og audmjuk for at eg er ein del av denne flotte og dyktige gjengen med Stine Kobbeltvedt i spissen. Heldige meg!

Velkommen til livet!

Denne helga har eg helst på mange søte små, nye i livet...  Laurdag song eg på Human Etisk Forbund sine to namnefester i Oseana.  Alltid herleg å syngja i storsalen med flygel og topp lydanlegg.  Vi feira 8 + 8 nydelege namneborn :)  Kjekt å få vera med på desse seremoniane år etter år, og denne gongen traff eg fleire familiar der eg song for eldre søskjen for nokre år sidan. Kjekt!  

Søndagen var det og song og musikk på programmet, med barnedåp i kyrkja.  Fire heilt forskjellige og flotte dåpskjolar!  Finaste Jakob, min nevø, bar kjolen som blei sydd til bestemor for over 50 år sidan.  Namna på alle som er døypte i den, over tre generasjonar, er brodert inn i stoffet.  Ein familieskatt!  Det blei ein utruleg flott dåpsfeiring, og alltid kjekt å få vera ilag med familien!
    

 

"Det er du som må finna vegen

Du må tråkka din eigen sti 

Du som må avgjera kva retning du skal gå

Du må erfara lyse dagar, og grå

men eg vil følgja deg med blikket så lenge eg kan sjå deg

Eg vil følgja deg med blikket så lenge eg kan sjå"

 

- Annveig -

Haustkonsert 20.10.

Søndag 20.10. blir det konsert på BarBarista i Bergen.  Vi spiller kl 20.  Kom-kom :)

Ferietider

Snartur hjemom for et kjekt planleggingsmøte med gutta, - plukker låter til bryllupsspilling. Blir gøy!
Nå : tilbake til Uskedalen for herlig ferie med foreldre og barn.......lesing, fisking, pusling, gitarspilling, sykling, maling, pil&bue..... Guttungen er storfornøyd med hjemmelaget pilkogger:)

GOD SOMMER!

JUBA JUBA

Dett var dett!  Over 70 MusikkGlede-barn fylte Oseanasalen med herlige Knutsen&Ludvigsen klassikere :) Tusen takk til alle som kom og alle som har hjulpet til! Mange fine folk rundt oss!

Barna har stått på, og både store og små er fornøyd med forestillingen.   Nå skal det bli godt med sommerferie for alle mann!  Forfatter Bente Bratlund postet et innlegg etter JUBA JUBA-konserten med  kloke og inspirerende ord...   Takk! 

I disse bryllupstider...

Min Tom Waits-favoritt!      "...all that you're loved is all you own..."

Sjokk, sorg og lengsel

Det er tungt, men fint å vera med på å skapa eit verdig farvel i gravferder.  Erfaringsmessig er musikken viktig i slike tunge stunder.  Det var sterkt å høyra at dei sørgande (som eg ikkje kjenner) fann trøyst i mine songar, og at dei ville eg skulle framføra desse under seremonien.  Eg er audmjukt takksam for at mine tekstar og min musikk har vore med på å gjera ein forskjell for nokon.
Alle gode tankar til dei som er igjen, og fred over minnet til John Thuen. 

Ønskelåter

Kjekt med mange oppdrag!  Endå kjekkare at fleire tek kontakt på bakgrunn av EP, og har ofte ønskje om særlege songar til ulike arrangement.  Det kjennest godt at musikken min kan bety noko for nokon!

No er det øving til bryllaup laurdag, der eg nølande har gått med på å sørga for all musikken under seremonien.  Eg ser fram til ei minnerik kveld ilag med gode vener!

Ei gledeleg overrasking!

Eg kan ikkje skryta på meg Os-dialekt, men eg nyttar alltid nynorsk i songtekstane mine.  Dette hadde Os Mållag høyrt om, og dei booka meg inn til musikalske innslag under årsmøtet.  Eg takka ja til ein kveld med kjekke folk, spennande diskusjonar og god mat på Engeline:) Her kan du lesa meir om og melda deg inn i Noregs Mållag 

Det blei absolutt ein fin kveld, og på toppen av det heile gjekk eg heim med eit varmande og svært overraskande nynorskstipend i lomma! 

Vi er igang!

Vel heime etter herleg inspirerande øving med den flotte gjengen min!!!  Tida flyg i godt selskap...  To nye låtar er lufta i bandet og klare til å ferdigstillast.  Gler meg til å få fleire nye låtar inn på repertoaret :)

Sjekk ut min nye kamerat, ein nydeleg Kala tenor-ukulele!  Lekker julegåve frå snillaste storebror og forloveden.  Dette instrumentet må det nok bli ein glad-låt av:) 

Nokre glimt frå 2012

Tusen takk til alle som følgde meg i 2012!!!  Eit lite tilbakeblikk på året:

 

I mars hadde eg konsert i Oseana, med utelukkande eige låtmateriale.  Utsikt mot Bjørnefjorden i skumringstimen sette god stemning.  Storsalen i Oseana stod for tur i april, då vi spelte på prisutdelingsgalla under filmfestivalen.  Det same gjorde m.a. William Hut, ORBO og Shaun Bartlett, og det blei ein minnerik kveld i godt selskap:)

I juni spelte nokre av oss på åpning av osøren blues og jazzfestival, og fekk med oss fleire av dei andre flotte konsertane under festivalen. Washamba var absolutt høgdepunkt, der trompetist Hallvard og bassist Arne frå bandet, ilag med resten av den høglytte gjengen i Washamba, nok ein gong tok publikum med storm!

Gjennom sommaren var det ei rekkje bryllaup og andre kjekke arrangement, og i løpet av ei veke i august la eg vokal på dei fleste songane til Henrik Lyssand-noteheftet MusikkHuset gav ut i haust.  All ære til Knut Vidar Garlid og Bergljot Lyssand Bjørø som ferdigstilte noteboka på eit blunk!  Vi skulle eigentleg ha mini-konsert i Oseana under jubileet i september, men då var vi opptekne med studioinnspeling hos tomtom på USF Verftet.  Det restulterte i EP-slepp 18. november kombinert med (førjuls-)konsert i Os kyrkje.  

Undervegs har eg hatt ymse songoppdrag her og der, i tillegg tilå vera musikalsk leiar på Luraneslåtten og hatt privatelevar i song, piano og gitar.  Eg starta opp MusikkGlede ilag med Stine Kobbeltvedt, og det blei ein flott og fullsett forestilling i storsalen Oseana november. Spennande med 100 barn på scenen med "ei vandring gjennom Egners univers", og det gjorde inntrykk på dei små å få ståande applaus frå 490 tilhøyrarar!  Musikken kostar eindel i form av mange kveldar på farten og mindre tid med familien, så det var ekstra kjekt å jobba fram eit prosjekt der Daniel kunne vera med, og vi fekk dela ei stor oppleving:)

Eg er takksam for eit herleg travelt og musikalsk år som no ligg bak meg.  

Eg gler meg til vegen vidare! Følgjer du meg i 2013?   GODT NYTTÅR!!!!

...snart jul...

I fjor framførte eg julesongen eg har laga ("berre eit barn") for første gong, då eg spelte i Foldnes kyrkje ilag med Aasmund Brekke.  I år var songen med på settlista under release-konsert for EP "passing me by" 18.11.   Her kjem eit tekstutdrag, med ønskje om ei riktig GOD JUL til dykk alle!!!

Ei eiga stjerne er tend for deg

berre i natt vil ho visa seg

leia hyrdingar og vise menn på veg

Hos syner leia der ein må gå

og alle dei som veit, kan sjå 

at du er her, kongen dei har venta på

Mange legg ut på vandring no

reisa til deg, vil finna ro 

hos underet som ingen heilt forsto

inn i stallen, har gåver med

myrra og gull og røykjelse

men største gåva gjev du med din fred

             Berre eit barn, men alikavel så stor

             og eg veit du vil setja djupe spor

             du vil alltid gjerva så mykje meier enn du har

             men reiser nok fleire spørsål enn du gjev svar

(Annveig Myklebust Fjellstad 2011)

JuleJam

Fin-fin tradisjon!!!  Botnevik inviterer til herleg mat og godt selskap, og nokre av oss står for musikalske innslag. I fjor kom eg heim ein trompetist rikare og med to nye spelejobbar i bagasjen ;) 

Denne laurdagen var det eindel som trakk seg i siste liten grunna vèr og føre, men vi var ein fin gjeng likevel. Ein herleg musikalsk kveld!  No er det berre å gle seg til påskejammen :)   GOD FØRJULSTID!

Julestemning

foto: Kjetil Bruarøy, Midtsiden

Tusen takk til alle som kom på novemberkonserten!  
Det blei verkeleg god stemning, endåtil litt julestemning...

Det er alltid kjekt å få spela med denne gjengen!  Øvingane ber preg av varme, gode kommentarar og latter som sit laust:)  Alle dei dyktige musikarane mine stiller opp gong på gong, og eg er umåteleg takksam...  Eg håpar eg får sjansen til å gje dei løn som fortent ein vakker dag!

Julegåvetips?  EP "Passing me by" kan kjøpast hos Playcom Os eller annveigmusic@gmail.com

KONSERT

Eg gler meg til konsert på søndag kl 19 i Os kyrkje!  No er EP i hus, og alt er klart:)  VELKOMMEN!

Hektisk helg

Lørdag er det forestilling med MusikkGlede i Oseana kl 12. Velkommen!
Nesten 100 barn på scenen som synger et utvalg av Torbjørn Egner sine kjente og kjære viser:)

I går var det workshop i regi av kunstner Vicky Pridmore og fellesøving på Kuventræ skule.  Takk til alle foreldrene som stilte opp:)  Våre dyktige musikere tok alt på strak arm, - dette blir bra!

http://www.midtsiden.no/100-born-hyllar-egner