Støttekonsert

For andre år på rad, arrangerte Hallgeir Bjørnevik og Ingvild Hetlevik romjulskonsert til inntekt for rus-miljøet i Os.  Det var fint å kunna bidra i dugnadsarbeidet denne kvelden!  Musikarar frå bygda gjekk saman om å laga ein variert konsert kring tema nestekjærleik og medkjensle.  Av dei meir kjende artistane var m.a. ORBO & the longshots, Gina Aspenes og Leif Østrem.  Frida Bjørnevik (12 år) imponerte stort med si vakre framføring av "Himmel på jord"!  
Sjølv fekk eg spela både "korleis veit du" og den heilt nye "time to decide", som eg skreiv for berre nokre veker sidan.  Den songen vart nemleg til då eg blei bedt om å vera med på støttekonserten.

Midtsiden publiserte opptak av "Skyfri himmel"

Knut Vidar Garlid, Olav Skorpen, Leif Østrem, Ken Williams, Trond Pedersen, Annveig M. Fjellstad

Julestemning

Det har vore mange oppdrag i det siste.  Herleg travelt og veldig kjekt! Laurdag var eg med på jule-jam, og det vart ein fantastisk kveld...  Alvorada og Aasmund Brekke presenterte songar frå den ferske plata   XYZ (itunes / salg)

Eg skulle "hoppa etter Wirkola" og tok eindel av mine eigne songar, m.a. eit par nye. Heldige meg som fekk Hallvard Lyssand med på trompet, sjølvom han ikkje hadde høyrt songane før.  Vakre tonar som gav musikken eit heilt nytt uttrykk...  Jammen har vi mange dyktige musikarar her i bygda!!!

I kveld er det julekonsert med Fonos, og eg gler meg til å kjenna på den gode julestemninga...  Bandet består av habile musikarar, m.a. Arne Hernes og Jostein Berge.  Vi har eit variert program, så eg trur nok alle som kjem får høyra noko dei likar:)  Konserten startar kl 20.  Velkommen!

Julekonsert vert det søndag og, då skal eg vera med på å synga jula inn i Foldnes kyrkje.  Det er lenge sidan eg har spelt med Aasmund Brekke, så dette gler eg meg til! Desember har vore ein svært musikask månad, både med eige framføringar og mange gode konsertar eg har gått på sjølv.  Eg kan framleis sjå fram til    TAUS & Karoline Krüger den 22.12. Kjem du?   GOD FØRSJULSTID!